Mjaðmaliðskipti
Valkostir við fyrstu mjaðmaliðskipti, aðgerðarskref, bataferli og áhættuþættir.
Lesa meiraMjaðma- og hnéaðgerðir á Spáni
Læknisferð til Spánar vegna bæklunaraðgerða
Veldu meðferð sem sameinar framúrskarandi læknisþjónustu, reynslu og persónulega umönnun. Hjá Cross Border Doctors sérhæfum við okkur í að tengja sjúklinga við reynda sérfræðinga í mjaðma- og hnéliðskiptum. Við tryggjum öruggt, skilvirkt og vel skipulagt meðferðarferli frá upphafi til enda.
Hnéskipti
Valkostir við fyrstu hnéliðskipti, efni gerviliða, aðgerðarferli og endurhæfing.
Lesa meiraEnduraðgerð á mjöðm
Sérhæfð meðferð og enduraðgerðir fyrir sjúklinga sem glíma við verki eða vandamál tengd fyrri mjaðmargervilið.
Lesa meiraEnduraðgerð á hné
Sérhæfð enduraðgerð á hné, greining, meðferðaráætlun og einstaklingsmiðuð eftirmeðferð.
Lesa meira
Af hverju að leita til útlanda vegna liðskipta?
Enginn ætti að þurfa að bíða lengur en nauðsynlegt er eftir meðferð við liðverkjum. Á hverju ári velja margir sjúklingar að fara til útlanda í mjaðma- og hnéliðskipti til að stytta biðtíma og fá aðgang að reyndum sérfræðingum og hágæða heilbrigðisþjónustu.
- Styttri biðtími - oft hægt að skipuleggja meðferð innan 2 til 4 vikna.
- Minni þörf á langri bið í kerfi þar sem biðlistar geta verið margir mánuðir.
- Örugg meðferð á vottaðri heilbrigðisstofnunum hjá mjög reyndum sérfræðingum.
- Skýr leið frá fyrstu ráðgjöf til bataferlis.
- Sjúklingar geta, að uppfylltum ákveðnum skilyrðum, átt rétt á endurgreiðslu frá Sjúkratryggingum Íslands (SÍ). Frekari upplýsingar um réttindi og skilyrði má finna hér.
Styttri biðtími
Markmið Cross Border Doctors er að sjúklingar þurfi ekki að bíða í marga mánuði með verki og skerta hreyfigetu. Að þeir upplifi öryggi, skýrleika og traust í ferlinu. Við viljum draga úr óvissu, kvíða og óvæntum kostnaði þegar fólk skipuleggur læknisferð til útlanda. Mjaðma- og hnéliðskipti eru framkvæmd af Dr. Eric Campagnard, bæklunarskurðlækni við IMED Levante Hospital.
Ferlið við að sækja um liðskiptaaðgerð með Cross Border Doctors
-
1
Umsókn um greiðsluloforð frá Sjúkratryggingum Íslands (SÍ)
Fyrsta skrefið er að sækja um greiðsluloforð hjá Sjúkratryggingum Íslands. Umsóknin er send af heimilislækni eða öðrum lækni sem annast meðferð sjúklings.
Nánari upplýsingar um umsóknarferlið má finna á vef Sjúkratrygginga Íslands: island.is/sjukratryggingar.
Afgreiðslutími umsókna er almennt 2–4 vikur.
Íslenskir sjúkratryggðir einstaklingar geta átt rétt á greiðsluþátttöku vegna liðskiptaaðgerðar á viðurkenndu sjúkrahúsi innan EES ef biðtími eftir sams konar aðgerð á Íslandi er lengri en þrír mánuðir samkvæmt biðtímareglu Sjúkratrygginga Íslands.
-
2
Heilsufarsupplýsingar fyrir aðgerð
Samhliða umsókn um greiðsluþátttöku þarf sjúklingur að fylla út heilsufarsupplýsingar fyrir aðgerð. Eyðublaðið verður sent af Cross Border Doctors og skal senda útfyllt á netfangið care@crossborderdoctors.com.
Heilsufarsupplýsingarnar veita sjúkrahúsinu mikilvægar upplýsingar um heilsufar sjúklings, þar á meðal fyrri sjúkdóma, lyfjanotkun, ofnæmi, fyrri aðgerðir og aðra þætti sem geta haft áhrif á undirbúning, framkvæmd aðgerðar og svæfingu. Þær eru nauðsynlegur hluti af öryggis- og undirbúningsferlinu og hjálpa til við að tryggja að meðferð fari fram með sem öruggustum hætti.
-
3
Röntgenmyndir
Senda þarf röntgenmyndir af þeim lið sem á að meðhöndla á care@crossborderdoctors.com.
Röntgenmyndir er yfirleitt hægt að nálgast hjá heimilislækni, heilsugæslu eða þeirri myndgreiningarstöð sem framkvæmdi rannsóknina.
Þessar upplýsingar gera sérfræðingum okkar kleift að fara yfir tilfellið og undirbúa aðgerðina sem best.
-
4
Bókun aðgerðar
Þegar eftirfarandi gögn liggja fyrir:
- Greiðsluloforð frá Sjúkratryggingum Íslands
- Útfyllt eyðublað varðandi heilsufarsupplýsinga
- Röntgenmyndir
getum við hafið undirbúning og bókun aðgerðar hjá samstarfssjúkrahúsi okkar á Spáni.
-
5
Ferðatilhögun
Þegar greiðsluloforð hefur verið samþykkt og aðgerðardagur staðfestur er hægt að ganga frá ferðatilhögun.
Sjúklingur eða aðstandandi sér sjálfur um bókun flugs og hjólastólaþjónustu hjá flugfélagi ef þörf er á slíkri aðstoð.
Sjúkratryggingar Íslands miða dagpeningagreiðslur við lágmarksdvöl sem nemur fimm dögum. Sjúklingar geta dvalið lengur ef þeir kjósa, en sá viðbótarkostnaður greiðist þá af þeim sjálfum.
Algengasta fyrirkomulagið er:
- 2 nætur á hóteli fyrir aðgerð
- 3 nætur á sjúkrahúsi eftir aðgerð
- 2 nætur á hóteli áður en haldið er heim
Fylgdarmaður gistir á hóteli á meðan á dvöl stendur.
-
6
Eftir aðgerð
Hjálpartæki
Sjúkrahúsið útvegar sjúklingum nauðsynleg hjálpartæki á meðan á dvöl stendur, svo sem hækjur og upphækanir á salerni eftir því sem við á.
Sjúkratryggingar Íslands geta einnig tekið þátt í kostnaði vegna hjálpartækja til notkunar heima eftir heimkomu. Heilbrigðisstarfsmaður sækir um slíkan stuðning fyrir hönd sjúklings. Ef umsókn er samþykkt eru hjálpartækin afhent eða send til sjúklings á Íslandi.
Sjúkraþjálfun
Mikilvægt er að hefja sjúkraþjálfun sem fyrst eftir heimkomu til að styðja við bataferlið og hámarka árangur aðgerðarinnar.
Við mælum með að sjúklingar bóki tíma hjá sjúkraþjálfara með fyrirvara þar sem biðtími getur verið eftir þjónustunni á sumum svæðum.
Tilbúin til að taka næsta skref?
Láttu ekki verki eða biðlista stjórna lífi þínu. Hvort sem þú ert að skoða möguleika eða tilbúin(n) að hefja ferlið erum við hér til að hjálpa þér í hverju skrefi.
Hafðu samband fyrir frekari upplýsingar.
Hafðu samband við tengilið þinn
Karen verður þinn aðal tengiliður í gegnum allt ferlið – frá fyrstu fyrirspurn og þar til heim er komið eftir aðgerð. Hún sér um samskipti við skurðlækni og læknateymið og tryggir að ferlið gangi sem best fyrir sig.
Að fara í liðskiptaaðgerð er stór ákvörðun og því mikilvægt að hafa traustan aðila sér við hlið. Hjá Cross Border Doctors færð þú persónulega þjónustu, skýrar upplýsingar og stuðning í gegnum hvert skref, svo þú getir farið í gegnum ferlið af öryggi og með fullri yfirsýn.
